حملة بادر حملة شباب جامعات مصر

 

التعريف بالحملة :-

احنا ميــــن

احنا مجموعة شباب بنحب الخير ونفسنا نخدم زملائتا ونطور جامعتنا وننشر

فعل

الخير ونفع الغير في كل مكان .... لقينا ظروف البلد صعبه ومشاكلنا كتيييييرة جدا

سواء في الجامعة او براها .... أزمة موصلات و ضعف مستوي تعليم و بطاله و سلبيه

ومصاريف وكتب غاليه ومشاكل تانيه كتييييير .... جمعنا نفسنا .... فكرنا .... قررنا

ناخد زمام المبادرة ونبدا احنا بفعل الخير عشان نخفف عن زملائنا ونسد بعض حاجات

جامعتنا .... قررنا نعمل حمله كبيرة وشامله في جامعة المنوفية وسمناها حملة بادر

واختارنا ليها شعار قدم خيرك .... انفع غيرك

الفكرة :

فكرة حملتنا من اسمها" بــــادر "

البــــــــاء : بر وخير امرنا ربنا بيه (وافعلو الخير لعلكم تفلحون) ووصانا بيه نبينا

وقالنا خير الناس أنفعهم للناس

الألـــــف : ايجابيه مزروعة فينا نبعه من ايمانا بدورنا احنا الشباب في خدمة مجتمعنا

وتطوير كليتنا وجامعتنا ورفعة بلدنا

الــــــدال :درجة تقربنا من هدفنا الكبير وهو الجنة

الــــــراء: رحمة مليا قلوبنا .... نفسنا نخفف عن زملائنا ونساعد كل المحتاجين

اهدافنا :

تنميه قيم التكافل والايجابيه وفعل الخير بينا وبين بعضنا

2 سد العجز الموجود في جامعتنا وتقديم بعض الخدمات الضروريه للجامعة وطلابها

3 استثمار طاقتنا في مشروعات تخدم وتطور جامعتنا

نفسنا تشاركنا:
* ممكن تشاركنا وانت مع نفسك في بيتك أو بره بيتك .... قول ازاي ؟

أي عمل خير تعمله هو مشاركة لينا (مساعدة محتاج – مساعدة الوالدين في شئون

البيت – اماطة الاذي عن الطريق أو الشارع اللي انت فيه)

* لو عندك موهبه أو متفوق في شيْ وتقدر تساعدنا وتساعد زمايلك عملنا رابطة

سميناها رابطة طلاب من اجل الخير

*الرابطة دي ميدانيا موجودة في كل كليات الجامعة ..... ان كنت عايز تشترك معانا

هتلاقينا في كل مكان في الجامعة ... هتعرفنا وهنعرفك ..... هنتواصل معك باستمرار

ايملنا هو

mohamedelgabas0@gmail.com

*علي الانترنت برده ممكن تشاركنا وبفاعليه كبيرة لو كنت طالب او حتي خريج ....

كبير كنت او صغير محتاجين أفكارك في مشاريعنا ..... دعمك لينا ..... مشاركاتك في

الشغل الاعلامي قبل وبعد المشاريع اللي بنعملها عملنا جروب علي الفيس بوك أدخل

عليه وادعي ليه كل اصحابك... ماعليك الا ان انت تشترك معانا في الجروب (رابطة

طلاب من اجل الخير – جامعة المنوفيه)

ادخل وسجل نفسك علي الجروب

http://www.facebook.com/group.php?gid=139671187060&ref=ts#/group.php?gid=139671187060

مقترحين مشاريع هنعملها ونتمني تقترح علينا مشاريع نحتاجها في جامعتنا

1- خدمة عامه (نضافه شامله لكليتنا)

2- مشروع تكافل تعليمي ... دعم الطلاب الغير قادرين علي دفع المصروفات وشراء الكتب الجامعيه

3- دورات تنميه بشريه

لو عندك مشاريع تانيه قولنا عليها .....